KGN – NEWS
كۆمسیۆنی باڵای سەربەخۆی هەڵبژاردنەكانی عیراق ئامادەكارییەكان بۆ هەڵبژاردنی 12ی ئایاری ئەنجومەنی نوێنەران دەستپێدەكات و جێگری سەرۆكی كۆمسیۆنی باڵای سەربەخۆی هەڵبژاردنەكانی عیراقیش دەڵێت: ” لە رۆژی 6-7ی ئایارەوە پێداویستییەكان رەوانەی بنكەكانی دەنگدان دەكرێت”.
رزگار حاجی حەمە جێگری سەرۆكی كۆمسیۆنی باڵای سەربەخۆی هەڵبژاردنەكانی عیراق بە رادیۆ نەوای راگەیاندووە: ئامادەكارییەكان بۆ هەڵبژاردنی پەرلەمانی عیراق دەستپێكردووەو پێویستە لە رۆژی 6 بۆ 7ی ئایارەوە هێزە ئەمنییەكان چاودێری بنكە و ئۆفیسەكانی كۆمسیۆن بكەن.
وتیشی: “لەدوو رۆژی داهاتوو پێداویستیەكانی دەنگدان رەوانەی ناوەند و بنكەكانی دەنگدان دەكرێت و داوامانكردووە لایەنە ئەمنییەكانیش رێوشوێنی پێویست بگرنە بەر”.
لەبارەی پشووی خوێندنگەكان لەهەندێك پارێزگا كە تاوەكو ئێستا پرۆسەی خوێندن تیایدا بەردەوامە، دارا ئەحمەد سەمین بەڕێوەبەری گشتیی پەروەردەی گەرمیان وتی: “تائێستا بەفەرمی ئاگادار نەكراوین لەبارەی پشووی خوێندنگەكان، بەڵام بەپێی ئەوەی زۆربەی كارمەندانی سەر سندوقەكانی دەنگدان مامۆستایانن پێیدەچێت رۆژی دوای هەڵبژاردنەكانیش كە دەكاتە 13ی ئایار بكرێتە پشوو لە ناوەندەكانی خوێندن”.
زیاتر
The key benefits of a Online Board Space
VDR for Acquire Facilitates M&A Due Diligence
What Does a Shoe Scan Do?