چپسی پەتاتە یەكێكە لەو خواردنانەی، كە ڕۆژانە ڕێژەیەی زۆر لەخەڵك دەیخۆن‌و بەتایبەت منداڵان،ڕاستە چپسی پەتاتە تامێكی خۆشی هەیە و ئاسان بەردەست دەكەوێت، بەڵام خواردنی بەشێوەیەكی بەردەوان زیانی زۆر بە جەستە دەگەیەنێت.بەپێی توێژینەوەكان یەكێك لەو كاریگەرییە خراپانەی، كە لەدوای خواردنی لەسەر جەستە بەجێی دەهێڵێت بریتییە لەزیادبوونی كێش، كە بەشێوەیەكی گشتی ڕێژەیەكی بەرز لەكالۆری لە پێكهاتەكەیدا هەیە، ئەمەش مەترسی زیادبوونی كێش زیاتر دەكات و دەبێتە هۆی توش بوون بەنەخۆشی قەڵەوی.هەر بەپێی لێكۆڵینەوەكان، چپسی پەتاتە لەكاتی ئامادەكردنیدا بە زەیت سوردەكرێتەوە، كە ئەمەش ئەگەری توش بوون بەنەخۆشی شەكرەو جەڵدەی دڵ زیاد دەكات.یەكێكی تر لە كاریگەرییە خراپەكانی ئەوەیە، كە دەبێتە هۆی بەرزبوونەوەی پەستانی خوێن و كۆلێستڕۆڵ، كە ئەمانەش بەشێوەیەكی ڕاستەوخۆ كاریگەری لەسەر دڵ و تەندروستی مرۆڤ دروستدەكەن.هەروەها بەهۆی ئەو ڕێژە بەرزەی سۆدیۆم لەپێكهاتەی چپسی پەتاتەدا هەیە كاریگەرییەكانی زیاتر دەبێت، بەتایبەتی لەسەر دڵ.
