ئامادەبن بۆ بەرپرسیارەتیێ


ئەیهان سەعید


قوناغا یەکەما خەباتا مەدەنی بسەرکەفتی دەربازبوو و خەڵک هشیار بویە و دزانن مافێ وان یێ دهێتە خوارن سیاسەت و ترس و وەهمێ دهێتە پاکتیزەکرن، د قوناغا دووەمدا پێدڤیە خەڵک هەست ب بەرپرسیارەتیێ و ئەرکێن خۆ بکەت دا مافێن خۆ بستینیت، ببن خەباتکارێن ئەڤرۆ و سەرکردێن سوبە و ڤی وڵاتی بڕێڤەببن.

هەر ژ دەستپێکا دەرکەفتنا بزاڤا گۆڕان ب هەڤبەشی دگەل یەکگروو، کۆمەڵ، دامەزراوەیێن میدیای، خەڵکێ ئەکادیمی و سەربخۆ هەتا هێزێن نوی دەرکەتین ئۆپۆزسیۆنەکا حەقیقیا چاڵاک ژدایکبوو و کاریه تا نوکە خەڵکی هۆشیار بکەت خەباتەکا هۆشیاریا سیاسی، پەرلەمانی، ئاشنابوون ب مافان ئەنجامبدەن، ب جۆرەکی نها هەر ژ کادرەکێ پارتا دەستەڵات تا هاوڵاتیەکێ سادە بپرسی دزانت دزی، تاڵانی و ڕێڤەبرنەکا خراپ هەیە هەتا دەستەڵاتا تەشریعی، تەنفیزی، دادوەری دانپێدنێ ب هەبوونا مەترسێا گەندەڵیێ دکەن، واتە زۆرینەیا خەڵکی هشیاربوو، لێ کێم کەس ئامادەنە بۆ بدەستخستنا مافان بهێتە سەر جاددێ یان قوربانیێ بدەت (ڕاستەپێدڤی ناکەت هەموو جڤاک ئامادەی گۆهەڕین بیت )، لێ بەشەک ژتەخا نوخبە ژ دخوازن هەمی تشت باش بن و ئەو پاڵدای، لەو پێدڤیە خەڵک هەست ب بەرپرسیارەتیەکا ئەخلاقی ونیشتیمانی بکەت و ئامادەبیت باجێ بدەت بۆ ژناڤبرنا گەندەڵی و گۆهەڕینا سیستەمێ حوکمڕانی، ژبۆ پراکتیزەکرنا حوکمێ قانون و پاراستنا پێشەڕۆژا نەفیێن بهێت.

ڕاستە گروپ بنەماڵێن حوکمدار پتر فشاران دکەن و ژەهرا خۆ دەردکەن لێ ئەو بێهێزیا وانە، ڕۆژا جاشێن دوهی و بناڤ کوردپەروەر و لیدەرێن ناسیۆنالیزما ساختە بەڕەڤ داویێ دچیت و دناڤخۆ ژیدا لاواز و پیربوونە و ڕۆژانە میلەفێن وان دکەفن بەردەستێ مە، ژلایەک دیڤە لوبی و پشتگیریا نێڤدەوڵەتی بۆ خەباتا مە بهێزتر دبیت وبترەڤ قوناغەکا دامەزراویتر دچین، بتەنێ پێدڤی تەحەدا و قوربانیێ یە، ئەمانەت و بەرپرسیارەتیا بڕێڤەبرنا ڤی وڵاتی دێ هەر کەفیتە سەر ملێن هەوە خەڵکێ هشمەند و خەمخۆر، لەو هون سەرکردێن پێشەڕۆژێنە خۆ ئامادەکەن بۆ جوان بڕێڤەبرنا ڤی نیشتیمانی.

١٢ی سبتمبرا ٢٠٢٠ – د جەرگێ نیشتیمانێ ماندیدا.

 118 `بینراوه‌

كۆمینت بنوسه‌