20ی ئەم مانگە ژمارەیەك كەناڵی ڕاگەیاندن بەسەرجەم جۆرەكانیەوە دادەخرێن

KGN – NEWS
وەزارەتی رۆشنبیری و لاوانی حكومەتی هەرێم رێوشوێنی یاسایی لەبەرامبەر كەناڵەكانی ڕاگەیاندن دەگرێتەبەرو لە رۆژی 20ی ئەم مانگەشەوە ژمارەیەكی زۆر لەكەناڵەكان دادەخرێن.
محەمەد گەردی بەڕێوەبەری گشتیی ڕاگەیاندن و چاپ و بڵاوكردنەوە لە وەزارەتی ڕۆشنبیری و لاوان بە ڕادیۆی نەوای ڕاگەیاندووە:دوای ئەوەی ژمارەیەكی زۆر لە كەناڵەكانی ڕاگەیاندن پابەندنەبوون بە نوێكردنەوەی گرێبەستی كاركردنیان و پێدانی ئەو بڕە پارەیەی قەرزاری وەزارەتی رۆشنبیرین و بڕەكەی دەگاتە نزیكەی 3 ملیار دینار، بەپێی ڕێنماییەكان ڕێوشوێنی یاساییان لەگەڵدا دەگیرێتەبەر . 
وتیشی “رۆژی 5ی ئەم مانگە وەك دوا وادە دیاریكرابو بۆ دانەوەی ئەو قەرزانە و نوێكردنەوەی مۆڵەتەكانیان، بەڵام كەناڵەكانی ڕاگەیاندن بە حزبی و ئەهلی و ئۆپۆزسیۆنەكانیشەوە، پابەندی وادەكە نەبوون و قەرزەكەیان رەوانەی وەزارەتی رۆشنبیری نەكردۆتەوە”.
بەوتەی گەردی ، لەلایەن ئەنجومەنی وەزیرانەوە ڕەزامەندی دراوەتە وەزارەتی رۆشنبیری بەپێی رێنماییەكان، ڕێكارەكان لەگەڵ كەناڵەكاندا بگیرێتەبەر و رۆژی 20ی ئەم مانگەش ژمارەیەكی زۆر لە كەناڵی ڕاگەیاندن بەسەرجەم جۆرەكانیەوە دادەخرێن.
لە هەرێمی كوردستان 143 رادیۆ و 93 كەناڵی لۆكاڵ و 34 كەناڵی ئاسمانی بوونیان هەیەو بەوتەی بەڕێوەبەری گشتیی ڕاگەیاندن و چاپ و بڵاوكردنەوەش لە وەزارەتی رۆشنبیریی حكومەتی هەرێم، ژمارەیەك كەم لە كەناڵەكان پابەندی نوێكردنەوەی موڵەتی كاركردنیان بوونە .
كۆمینت بنوسه‌

سه‌ردێر