زەیتون نەخۆشی کوشندە لەناو دەبات

KGN – تەندروستی

 

لە زۆربەی بلاوکراوە خۆراکییکان و سەرچاوە پزیشکیەکان ئاماژە کراوە بە گرنگی زەیتوون لە ئێستادا زانایانی ئیسپانیا بۆیان ڕوون بووه‌ته‌وه‌ که‌ توێکڵی زه‌یتون ماده‌یه‌کی تێدایه‌ که‌ خانه‌ شێرپه‌نجه‌ییه‌کان له‌ ناو ده‌بات.
به‌ پێی توێژینه‌وه‌یه‌ک که‌ له‌ گۆڤاری بایۆلۆژیای گه‌ردیله‌ییدا هاتووه‌، ده‌رکه‌وتووه‌ که‌ توێکڵی زه‌یتون له‌ سه‌دا 80 ی ماده‌ی ترشی زه‌یتونی تێدایه‌ که‌ ئه‌مه‌ش تایبه‌تمه‌ندییه‌کی هه‌یه‌ بۆ دواخستنی گه‌شه‌کردنی وه‌ره‌مه‌ شێرپه‌نجه‌ییه‌کان و له‌ناوبردنی خانه‌کانی.
توێژه‌ران ده‌ڵێن زه‌یتون ڤیتامین E تێدایه‌ که‌ پێویسته‌ بۆ کارکردنی هه‌موو ئه‌ندامه‌کانی له‌ش به‌ شێوازێکی سرووشتی، هاوکات دژه‌ ئۆکسانێکی به‌هێزه‌ و له‌ش له‌ کاریگه‌ری زیانبه‌خشی ژه‌هره‌کان ده‌پارێزێت، هانده‌ری سیسته‌می به‌رگرییه‌ و به‌ سووده‌ بۆ پاراستنی له‌ش له‌ په‌تای ڤایرۆسی و به‌کتریا و شانه‌کان نوێ ده‌کاته‌وه‌.
ئاماژه‌شیان بۆ ئه‌وه‌ داوه‌ که‌ خواردنی ئه‌م ماده‌ خۆراکییانه‌ هانده‌ری له‌شه‌ بۆ ڕووبه‌ڕووبوونه‌وه‌ی مه‌ترسییه‌کانی شێرپه‌نجه‌ی قۆڵۆن و مه‌مک.
سه‌رباری ئه‌مه‌ش، پۆتاسیۆم و فسفۆر و ئاسن و ڕه‌گه‌زی به‌سوودی دیکه‌ی تێدایه‌، به‌ پێی بۆچوونی شاره‌زایان خواردنی زه‌یتون به‌ شێوازێکی ڕێک بوار ده‌دات به‌ دابه‌زینی مه‌ترسی توشبوون به‌ نه‌خۆشییه‌کانی دڵ و مولوله‌کانی خوێن.
س.ئاژانساکان
كۆمینت بنوسه‌

سه‌ردێر