بەرپرسێکی یەکێتی”دوژمنی ڕاسته‌قینه‌ی که‌رکووک پارتییه‌”

 

KGN – NEWS

 

 جێگری مەڵبەندی یەکێتی نیشتمانی کوردستان  لە کەرکوک دەڵێت: پارتی کەرکوکی بە مەیدانی خۆی نازانێت و دوژمنی ڕاستەقینەی کەرکوکە .

 ڕه‌وه‌ند مه‌لا مه‌حموود  لەسەر بابەتی هەڵبژاردن و بەشداری نەکرنی پارتی دیموکراتی کوردستان لە هەڵبژاردنەکان و ڕەوشی شارەکەبە ئاژانسی هەواڵی کوردپرێسی ڕاگەیاندووە و دەڵێت: به‌ بڕوای من دوژمنی ڕاسته‌قینه‌ی که‌رکووک پارتییه‌. ئێستاش ئه‌و بایکۆته‌ی کادێره‌کانی پارتی کردوویانه‌ پێیان باش نییه‌ به‌ڵام له‌ سه‌رکردایه‌تییه‌وه‌ ئه‌و بڕیاره‌یان به‌ زۆر به‌ سه‌ردا سه‌پاندوون. له‌ هه‌مان کاتدا میدیاکانی پارتیش ئه‌و وه‌زعه‌ دروست ده‌که‌ن ئه‌گینا تا ئه‌م کاته‌ش حاڵی واقیعی که‌رکووک دیاره‌. هه‌موو لایه‌نه‌ سیاسییه‌کان به‌شداری پڕۆسه‌که‌ن و که‌س کێشه‌ی نییه‌ و هه‌مووش بانگه‌شه‌ ده‌که‌ن بۆ هه‌ڵبژاردن. 

دەشڵێت: پارتی که‌رکووک به‌ مه‌یدانی خۆی نازانێت و خۆی زۆر لاواز ده‌بینێت. به‌ هه‌موو ده‌سه‌ڵاتی خۆی و ده‌سه‌ڵاتی حکوومه‌تی هه‌رێم زه‌ختی له‌سه‌ر یه‌کێتیی نیشتمانیی کوردستان و خه‌ڵکی که‌رکووک دروست کردوووه‌. به‌ قه‌د به‌ره‌ی تورکمانی ده‌نگیان هێناوه‌ بۆیه‌ پارتی له‌ هه‌موو شێوه‌یێک دژی که‌رکووکه‌ و نایهه‌وێت که‌رکووک بێته‌وه‌ سه‌ر هه‌رێمی کوردستان. به‌ڵگه‌شم بۆ ئه‌م قسه‌ ئه‌وه‌یه‌ دوو جار له‌ ئه‌نجومه‌نی پارێزگای که‌رکووکه‌وه‌ نامه‌ی ڕه‌سمی ڕه‌وانه‌ی په‌رله‌مان و حکوومه‌تی کوردستان کرا بۆ ئه‌وه‌ی که‌رکووک بخرێته‌وه‌ سه‌ر هه‌رێمی کوردستان به‌ڵام ئه‌وان ڕازی نه‌بوون.

 

كۆمینت بنوسه‌

سه‌ردێر