27 حوزه‌یران، 2022

ئەم کوردین ئێدی درەوا ل خوە نەکین

گەلاڤێژ هەمزی

دەما ئەز درەوێن وە راستڤەدکم رامان ئەو نینە ئەز پشتا لایەنەکێ دی دگرم ل دەف من هەمی حزبێن کوردی وەکی ئێکن
بەلێ ئەز کچا فەرماندەکی مە ل شەرێ پارتی و پەکەکێ هاتیە شەهید کرن وەکی هین دبێژن و هەردەم شەرم ژ وێ کوشتن و خوین رشتنێ دکم و من شانازی بوێ پلا شەهیدبونێ نەبرە و نابم چنکی ئەم پێکڤە کوردین ئەگەر چەندا ژ ئێکدوو بکوژین ،

ل ڤێرە من دڤێت بێژم د وی شەرێ بوری دا یێ براکوژیێ وە چەند مروڤ ل بەر پێت خوە دان و وە چەند خوینا کوردا رشتە ب دەستێن کوردا ؟

و پاشی وەکی بێ شەرما هین هاتن سەر مێزێن دان و ستاندنێ وە هەر ل دوماهیێ گوتن ئەم برائێن ئێکین و ئێدی دێ ڤی شەری راوەستینین و دێ ئێک دوو ژی قەبیل کین هەر وە هایژ وان نەما یێت وە گوری رک و کەرب و کینا خوە کرین

دیسا خێرە جارەکا دی گر کەتە بن پێت وە ل هەر چوار راخ و دەردوورێن وە دووژمنە هین یێ داخازا شەرێ براکوژیێ دکن و یێ وان روژێن شەهمزار و فەزاحەت ژبیردکن؟

بو هەر کوردەکێ خودان شەرەف و کەرامەت و وەلاتپارێز
هشیار بن خوە بو ڤان حزب و هێزێن کوردی نەکن قوربان وان نەشیایە هەستا نەتەوایەتی د ناخێ خوەدا بچەسپینن دێ چەوا شێن ئێکگرتنێ و پێکڤە ژیانا کوردایەتیێ قەبول بکن

ئەز د شەرێ براکوژیێ دا بەس دێ نەفرەتا ل شەهیدبونێ کم و ئەو کەسێن خوە دن کوشتن هندی هند خشیم و نەزانن بتنێ ژ هەژینە بمرن و بن ئاخ ببن و بەهرا پترا وان بێ بەشن ژ خوەشی و نیعەتێن ڤی وەلاتی

تکایە کەس بهێجەتا پاراستنا ئاخا وەلاتی و کەرامەتێ نەهێت خاپاندن

کەرامەت و وەلاتپارێزی ئەوە تو کەرکوکێ و شنگالێ و کێستە و و کانیماسێ و کەشانێ و نزورێ و وان جهێن هاتین داگێرکرن ل ئاخا وەلاتی ڤەگەرینی

ئەڤ ئاگرێ نوکە تێت هلکرن دناڤبەرا پارتی و پەکەکە دا کار و بریارێن مروڤێن ترسنوکن

گوتنەک مەزنا هەیە “دبێژت نەشیا کەری دەستدا پالیێ “
وە نەشیا ئاخا وەلاتی بپارێزن ڤێجا شنی حێجەتا ل ئێک دوو نەگرن و ئێکدوو تاوانبار نەکن
کوردبونێ ل هەر چوار پارچێن کوردستانێ قەبول بکن ئێدی کوردایەتیێ ل ئاستێ پارچەکێ بچوک نەکن کورد چوار پارچێنە هەر چوار ئێکن هین ب کەربێ نەشێن ژێکڤەکن دێ هەر خوە ڤێکدن و دیسا بن ئێک .

بلا هەر ئێک ژ مە ژلایێ خوەڤە یێ خێرێ و سەلاحەتێ بت پیچەکا وی ئاقلێ د کوموغێ سەرێ وە دا بدن شولی ما بو کەنگیە ؟

كۆمینت بنوسه‌
WP Twitter Auto Publish Powered By : XYZScripts.com